Ang dumot sa politika dinhi sa lalawigan sa Zamboanga del Norte ug sa duha ka dakbayan sa Dipolog ug Dapitan ang gikabalak-an sa mga katawhan tungod kay sumala pa nila mao na unyay mopatigbabaw ang dautang pamolitika ug dili kay milansar tungod lang sa pag-alagad sa katawhan kondili ang kahakog sa kuwarta nga iya sa katawhan ug ang kahakog sa gahum isip lider sa katawhan.Usa pa ka tuig ang nakalabay sa piliay ning maong dapit, apan ang mga giingong hakop sa puwesto sa kagamhanan ang nasayran nga miaplay na sa hugaw nga dula sa politika ug dili patas nga pamaagi. Wala hinganli sa tinubdan ang nahisgotang politiko, apan maoy gitumbok niini ang hut-ong sa politiko sa lalawigan sa Zamboanga del Norte nga misaad nag ilang samokon ang lalawigan ug dakbayan kon dili nila makuha ang simpatiya sa giingong mga maayong politiko nga nag-alagad base sa tinuod nga kawsa paghatag kalamboan sa katawhan.Tungod niini, ilang giawhag ang tanang botante nga karong sunod election kinahanglan nga mobarog gayud sa ang mga botante ug magpili sa usa ka lider dili sa ilang kuwarta kondili sa ilang gihimo ngadto sa mga katawhan nga ilang gisaaran nga alagaran.Sa pagkakaron, ang milutaw nga mokandidato sa pagka-gobernador mao ang mga Jalosjos batok sa mga Uy dinhi sa lalawigan sa Zamboanga del Norte. Samtang sa unang distrito wala pay nakitang kontra ang incumbent nga si Cong. Bullet Jalosjos, samtang si Cong Dodoy Labadlabad, aduna nay klarong kontra nga si gobernador Rolando Yebes, kinsa last term na sa iyang pagka-gobernador sa lalawigan.Samtang sa ikatulong distrito, ang mga Jalosjos posibleng atbangan sa usa ka heneral sa army kinsa giingong sabakon sa Liberal Party.Samtang sa lungsod sa Sindangan, si incumbent Mayor Nilo Sy mag-atubang sa anak ni Gov. Yebes. Sa Dipolog gituohan nga pakigbatokan ni Vice Governor Frances Olvis si incumbent Mayor Belen Uy. Didto sa dakbayan sa Dapitan wala pay mipaila nga makig-atbang sa manok sa mga Jalosjos.Ning maong plastada, tinubdan nagkanayon nga kinahanglan ang mga botante magbalanse gyud kon kinsay ilang iboto ug dili lang ka sa kwarta lamang magbase ug sumala pa dili magpalingla ug paghulga.Sumala pa sa tinubdan nga kon mahulga ang mga botante sa panahon sa election, kon ang maong politiko ang modaug, tibuok kinabuhi na lamang kitang mahulga tungod kay mao kanay estilo sa nakitang politiko nga mitumaw karong panahona.“Basin kon mahayan kita sa atong mga kabataan ugma puhon kon dili kita mobarog ug makigbatok karon batok sa mga dautan nga politiko,” matud pa sa nahinabi ning mantalaan.
admin @ August 29, 2011
Nakasakop ang otoridad sa mga suspetsadong sumala pa nanaka ug balay ug nangawkaw ug mga butang kaniadtong Agusto 29 mga alas dose sa tungang bagii didto sa barangay Sicayab, Dipolog City.Ang biktima giila sa kapolisan ga usa ka Alexandro Cadavedo Y Ogoc, 53 anyos.Ang otoridad miila sa mga suspetsado nga sila si Jeffrey Tenorio Y Duhaylungsod, 26 anyos ang panuigon, minyo ug lumulopyo sa Malintubuan, Labason, Zamboanga del Norte; Dino Sagario Y Gantiao, 24 anyos ang panuigon ug lumulopyo sa Barangay Sirongan, Manukan, Zamboanga del Norte ug si Ronnie Salaveria Y Bubutan, 18 anyos ang panuigon ug lumluopyo sa Tabuk Tulay, Minaog, Dipolog City.Nakuha sa mga otoridad gikan sa mga suspetsado ang usa ka pantaloon kolor itom ug usa ka motorsiklo nga Honda bravo kolor blue ug itom. Ang maong motorsiklo gituohan nga maoy get away vehicle sa mga suspetsado.
admin @ August 29, 2011